De seguro que alentados polo lema deste curso: “ATRÉVETE”, os alumnos do CPR Plurilingüe San Fermín teñen dado un gran paso adiante: fundaron o Club de Ciencias San Fermín.
Así que este ano, moitos dos actos da Semana da
Ciencia están organizados por eles e nós, o Departamento de Ciencias
colaboraremos e aprenderemos desta canteira de científicos e científicas.
Os grandes movementos comezan cando unha persoa ou un pequeno grupo delas
decide tomar a rendas e iniciar un cambio.
Pois ben: o primeiro paso está dado por un grupo de novos investigadores do
CPR San Fermín ¿ata onde chegará este cambio?
A actividade central da semana será o
Rebumbio de experimentos,
enteiramente organizado polo Club de Ciencias. Eles nos proporán, nun tempo
récord, multitude de sinxelos experimentos que nos permitirán achegarnos a
conceptos científicos do día a día.
Os alumnos de 4º da ESO
visitarán a fábrica de FORESA en
Caldas, para que coñezan o seu funcionamento, centrándonos no seu departamento
de investigación, desenvolvemento e
innovación.
Na liña do
recoñecemento que obtivo o centro a nivel estatal -o Selo de Vida Saudable-, os rapaces e rapazas de 1º da ESO iniciarán
nesta semana o proxecto Master Chef, que xuntará as matemáticas e a
alimentación saudable.
Analizaremos
tamén cos alumnos da opción académica e científica de 4º da ESO, por un lado o
ADN e, por outro, os tipos de movementos físicos do día a día: tirar cara
arriba ou cara abaixo, deixar caer ou lanzar cara adiante.
No hay comentarios:
Publicar un comentario